सुन्दरहरैंचा । माेरङकाे सुन्दरहरैंचा नगरपालिका स्थित सलकपुरमा यहि माघ १५ देखि २२ गते सम्म सलकपुर खुल्ला क्रिकेट नकआउट प्रतियोगिता हुने भएको छ ।
भुल्के युवा समाज तथा सलकपुर क्रिकेट क्लबकाे आयाेजनामा प्रतियाेगिता हुने भएको हाे । आयोजकले मंगलबार पत्रकार सम्मेलन गरि प्रतियोगिताको समय र स्थान सार्वजनिक गरेको हो ।
उक्त प्रतियोगितामा मोरङका विभिन्न स्थानमा रहेका क्रिकेट क्लबहरुले सहभागी जनाउने आयोजकले जनाएको छ । प्रतियाेगितामा १६ वटा टिमकाे सहभागिता रहने आयाेजकले जानकारी गराएको छ ।
प्रतियाेगितामा प्रथम पुरस्कार रू ३० हजार, दोस्रो पुरस्कार १५ हजार रहेको खेल संयाेजक राेहन खत्रीले बताए । उक्त प्रतियोगिता सुन्दरहरैंचा नगरपालिका वडा नं ८ मा रहेको सलकपुर खेल मैदानमा हुने आयोजकले बताएको छ ।
Related Articles
