बेलबारी । मालपोत कार्यलय बेलबारीले २ बर्षभन्दा बढी समयदेखि खानेपानीको मासिक शुल्क नतिरे पछि खानेपानीको धारा बन्द गरिएको छ ।
बेलबारी साना सहरी खानेपानी तथा सरसफाइ उपभोक्ता संस्थाका अनुसार पूर्व समिति र हालको नयाँ कार्य समितिद्वारा शुल्क भुक्तानीको लागि पटक पटक पत्र पठाउँदा पनि बेवास्ता गरे पछि मालपोत कार्यालयमा जडान गरिएको खानेपानीको धारा काटिएको हो ।
संस्थाका अनुसार मालपोत कार्यालयले २६ महिनाको शुल्क भुक्तानी गर्न बाँकी रहेको छ । मालपोत कार्यालयसँगै अन्य व्यक्तिको घरमा पनि खानेपानीको शुल्क भुक्तानी नगर्ने उपभोक्ता रहेको संस्थाले जनाएको छ ।
संस्थाले माघ ७ गते मासिक महसुल भुक्तानी नगर्नेको धारा काट्ने सूचना सार्वजनिक गरेको थियो । सोही सूचना अनुसार बेलबारी साना सहरी खानेपानी तथा सरसफाइ उपभोक्ता समितिले बुधवार देखी महसुल भुक्तानी नगर्नेहरूको धारा बन्द गर्न थालेको छ ।
Related Articles
